Notkunarskilmálar

1. Notkunarheimild

Við veitum þér – nema samið hafi verið um annað í hverju tilviki fyrir sig – takmarkaða, almenna og óframseljanlega heimild til að opna, nota og birta vefsvæðið og efni þess á skjá til einkanota samkvæmt ákvæðum þessara notkunarskilmála. Notkun í atvinnuskyni, einkum innsetning auglýsinga í atvinnuskyni, er óheimil.

Við áskiljum okkur rétt til að takmarka eða stöðva notkun þína á vefsvæðinu að eigin ákvörðun og án fyrirvara, svo fremi sem við höfum ekki samið við þig um annað. Okkur er jafnframt heimilt að óvirkja eða eyða tafarlaust aðgangsorði þínu, notandareikningi þínum og öllum gögnum á notandareikningnum sem og að loka fyrir frekari aðgang þinn að persónusniðinni þjónustu ef þú brýtur gegn þessum notkunarskilmálum eða ef þú veitir okkur rangar, ónákvæmar eða ófullnægjandi upplýsingar um þig eða við höfum rökstuddan grun um að þú hafir veitt rangar, ónákvæmar eða ófullnægjandi upplýsingar um þig.

2. Ábyrgð

NEW YORKER gerir allar viðeigandi ráðstafanir til að tryggja að upplýsingar á vefsvæðinu séu réttar og uppfærðar. Við getum hins vegar ekki ábyrgst að upplýsingarnar séu réttar og/eða uppfærðar. Athugið einnig að við berum ekki ábyrgð á afleiðingum þess að ekki sé hægt að fá aðgang að vefsvæði okkar. Af þessum sökum áskiljum við okkur hvenær sem er rétt til þess að gera breytingar á eða hætta að bjóða upp á efni og þjónustu, svo fremi sem við höfum ekki samið um annað við notanda. Því er ekki ábyrgst að vefsvæðið sé ávallt aðgengilegt og ekki er tekin ábyrgð á því að vefsvæðið sé óaðgengilegt okkur að ósekju eða á gagnatapi sem ekki er okkar sök.

Í þeim tilvikum þar sem tengla í vefsvæði á vegum þriðju aðila er að finna á þessu vefsvæði eignum við okkur ekki efni á viðkomandi vefsvæði; einkum getum við ekki fylgst stöðugt með efni á vefsvæðum annarra fyrirtækja. Tengillinn er eingöngu hugsaður sem ábending fyrir notandann. Við berum heldur ekki ábyrgð á því að síðurnar sem vísað er í séu aðgengilegar. Samkvæmt lögum er New Yorker ekki skylt að fylgjast með eða eftir atvikum rannsaka upplýsingar, sem miðlað er eða eru vistaðar, þar sem vísað er til ólögmæts athæfis (7. gr. þýskra laga um rafræna miðla (TMG)).

Svo fremi sem við bjóðum upp á möguleika á þátttöku í gagnvirkri þjónustu ber notandi sjálfur ábyrgð á því efni sem hann setur inn.

Almennt gildir að ábyrgð okkar er ótakmörkuð ef um ásetning eða vítavert gáleysi er að ræða. Þegar um óverulegt gáleysi er að ræða berum við hins vegar eingöngu ábyrgð ef um brot gegn meginskyldu er að ræða og þá aðeins að takmörkuðu leyti. Takmörkunin miðast við það tjón sem er dæmigert fyrir samninginn og mátti gera ráð fyrir.

Ábyrgð okkar tekur ekki til afleidds tjóns, einkum ekki til hagnaðarmissis eða óefnislegs tjóns. Auk þess tökum við enga ábyrgð á gagnatapi eða öðru tjóni á vél- eða hugbúnaði í eigu notanda sem rekja má til efnis sem hlaðið var niður af vefsvæðinu.

Ofangreindar takmarkanir á ábyrgð eiga ekki við um tjón á lífi, limum eða heilsu sem við eigum sök á eða um kröfur samkvæmt lögum um skaðsemisábyrgð.

Ofangreindar takmarkanir á ábyrgð gilda með sama hætti einnig í þágu starfsmanna, lagalegra fyrirsvarsmanna og fulltrúa New Yorker.

Notandi er ábyrgur fyrir öllu tjóni sem New Yorker verður fyrir vegna misnotkunar eða ólöglegrar notkunar á vefsvæðinu eða sem rekja má til vanefnda notanda á samningsskyldum sínum.

3. Reglur fyrir vefsvæðið (bindandi netsiðareglur)

Notanda er skylt að veita okkur réttar og ítarlegar upplýsingar um sig – einkum fornafn, eftirnafn, heimilisfang, símanúmer og netfang – svo fremi sem þessar upplýsingar eru nauðsynlegar fyrir persónusniðna þjónustu. Auk þess förum við fram á að notendur uppfæri persónuupplýsingar sínar reglulega.

Heimild til notkunar á vefsvæðinu og þjónustu er eingöngu veitt notandanum. Réttindi og skyldur samkvæmt notkunarskilmálunum er ekki hægt að framselja til þriðju aðila, hvorki að hluta né í heild. Taki notandi þátt í spjallsvæðum, spjalli, bloggi eða annarri gagnvirkri þjónustu er honum óheimilt að veita þriðju aðilum aðgang að notandareikningi sínum og aðgangsorði; þessar upplýsingar veita eingöngu notandanum sjálfum heimild til að nota vefsvæðið og þjónustuna.

Sem notanda gagnvirkrar þjónustu ber þér að halda aðgangsorði þínu og öðrum upplýsingum um notandareikning þinn leyndum. Ef notandareikningur þinn er notaður í leyfisleysi skal tilkynna okkur það án tafar skriflega eða með tölvupósti á netfangið info-datenschutz@newyorker.de. Einnig í þessu tilviki ber notandi sjálfur ábyrgð á óheimilli notkun vefsvæðisins. Í vafatilvikum verður notandi að láta allar yfirlýsingar sem gerðar eru með aðgangsorði hans eða öðrum upplýsingum um notandareikning hans gilda sér í óhag.

Óheimilt er að flytja efni yfir á vefsvæðið með skaðlegu innihaldi (einkum spillikóða) og önnur forrit sem stefna virkni hugbúnaðar eða vélbúnaðar í hættu og geta orsakað truflanir. Gengið er út frá því sem vísu að uppfært vírusvarnarforrit yfirfari efni sem þú hleður upp í gagnvirkri þjónustu.

Óheimilt er að hlaða upp, dreifa og/eða veita aðgang að ólöglegu og ósiðlegu efni og/eða ummælum, einkum af því tagi sem hvetja til kynþáttahaturs, hvetja til ofbeldis, gera lítið úr ofbeldi, hvetja til stríðs, eru klámfengin eða kynferðislega ögrandi, stefna börnum og unglingum ótvírætt í hættu eða vísa á þjónustu sem inniheldur ofangreint.

Athafnir sem stefna kerfis- eða netöryggi í hættu eða hafa slíkt að markmiði, til dæmis að afla sér aðgangs í heimildarleysi eða að lauma inn spillikóða, eða sem gera kleift að fá aðgang í heimildarleysi, eru óheimilar.

4. Höfundarréttur

Þetta vefsvæði nýtur höfundarréttarverndar. Það á einkum við um texta, myndir, ljósmyndir, teikningar, myndefni, hönnun, hljóðskrár, myndbandaskrár eða hreyfimyndaskrár að meðtalinni skipan þeirra á hverri síðu fyrir sig. Breytingar, fjölföldun, dreifing, sending eða önnur nýting (einnig að hluta) á slíkum síðum (eða hlutum þeirra) með rafrænum miðlum (einnig á internetinu) eða með hefðbundinni útgáfu er ekki heimil nema með samþykki. Ritstjórn getur veitt heimild fyrir birtingu vefsvæðisins (sjá útgáfuupplýsingar).

Jafnframt kunna myndir, myndefni, textaskrár eða aðrar skrár, að hluta eða í heild, að falla undir höfundarrétt þriðja aðila.

Innihald og efni sem hægt er að hlaða niður má eingöngu afrita eða hlaða niður til einkanota. Með því öðlast notandinn hins vegar engan rétt á efninu sem er afritað eða hlaðið niður. Óheimilt er að fjölfalda, birta, miðla, senda, dreifa, breyta, selja og nota efni vefsvæðisins, að hluta eða í heild, í einkaþágu eða í viðskiptaskyni.

Um öll vörumerki sem koma fram á vefsvæðinu gilda án takmarkana ákvæði gildandi laga um vörumerki hverju sinni. Jafnvel þótt vörumerki séu nefnd á nafn á vefsvæði okkar þýðir það ekki að þau falli ekki undir höfundarréttarvernd þriðju aðila.

Með notkun á vefsvæðinu er hvorki veitt beint, óbeint eða annars konar leyfi eða réttur til notkunar á höfundarrétti efnis sem er að finna á vefsvæðinu. Hvers kyns notkun sem brýtur gegn lögum er með öllu óheimil.

Notandi getur að sjálfsögðu prentað út afrit af efni vefsvæðisins til eigin nota. Hið sama á við um niðurhal efnis á harðan disk, svo fremi sem það er eingöngu til einkanota. Með öllu óheimilt er að breyta eða eyða upplýsingum um höfundarrétt og vörumerkjum.

Notandi samþykkir að við öðlumst eignarrétt á hvers kyns efni sem hann hleður upp á vefsvæðinu að eigin frumkvæði eða samkvæmt beiðni eða sendir okkur með öðrum hætti, til dæmis með tölvupósti. Ef ekki er um persónuupplýsingar að ræða eða við höfum ekki samið um trúnað við notanda er okkur ekki skylt að fara með efnið sem trúnaðargögn. Notandi veitir okkur endurgjaldslausan, ótímabundinn, óafturkallanlegan, framseljanlegan og sértækan rétt til nýtingar og notkunar á efni sem hann hleður upp á vefsvæðið. Einkum er okkur heimilt að fjölfalda, birta, miðla, senda, dreifa, breyta og selja efnið með öðrum hætti um allan heim eða að nota allt efnið eða hluta þess í viðskiptaskyni sem og að fella það inn í hvers kyns önnur verk, óháð því hvaða form, miðla og tækni er notast við.

5. Annað

Um þessa notkunarskilmála gilda þýsk lög og þeir falla ekki undir sáttmála Sameinuðu þjóðanna um samninga um sölu á vöru milli ríkja.
Ef tiltekin ákvæði þessara notkunarskilmála eru eða verða ógild eða samræmast ekki lögum hefur það ekki áhrif á gildi annarra ákvæða notkunarskilmálanna. Í stað hins ógilda ákvæðis koma aðilar sér saman um að í stað þess komi ákvæði sem næst kemst viðskiptalegum tilgangi ógilda ákvæðisins með lögmætum hætti. Framangreind regla á með samsvarandi hætti við þar sem um gloppur í reglum er að ræða.

Notkunarskilmálarnir ásamt sérstökum skilmálum fyrir persónusniðna þjónustu, persónuverndarstefnan og aðrar reglur fyrir gagnvirka þjónustu mynda í heild sinni samninginn milli þín og NEW YORKER.